فى البداية يعنى إيه إرتباك فى المجتمع الرقمى أو ( Digital disruption ) ؟
مقصود بيه أي تغيير أو تعديل بيحصل فى التكنولوجيا الرقمية أو فى أنظمة البيزنس الخاص بالتكنولوجيا و اللى ممكن تأثر على الأنظمة و الخدمات الموجودة على أرض الواقع و التفاعل معاها نتيجة للتغيير المفاجيء ده.
فى التدوينة هنناقش الموضوع من وجهتين نظر .. اللى بيقوم بالتغيير , و اللى بيحصل عليه التغيير .
لو انت اللى بتقود الارتباك و التغيير .
10 نماذج استخدمها لو عايز تقود تعديل أو تُحدث إرتباك فى السوق :
1- The Subscription Model
بتفرض على المستخدم دفع اشتراك أو Subscription للاستفادة من المنتج .. و الغرض منها تقليل المستخدمين الغير جادين و استهداف المستخدم اللى حابب فعلا يشترى الخدمة و يستفيد منها .. أمثلة لل model ده (Netflix, Dollar Shave Club, Apple Music)
2- The Freemium Model
المستخدم ليه حق الانتفاع بالخدمات الرئيسية للمنتج و بيدفع للحصول على الخدمات و ال features الإضافية .. زي (Spotify, LinkedIn, Dropbox)
3-The Free Model
هنا شركتك مش بتستفيد من ال end user بأى مدفوعات لكن الاستفادة بتكون بالداتا اللى بتجمعها و بالانتشار اللى بيحققه المنتج لأنه free .. مثال على ال model ده Google و كل محركات البحث و Facebook و غيره من مواقع التواصل الإجتماعى اللى مش بيكسبوا فلوس مننا ك end users و لكن بيكسبوا حاجتين أهم من الفلوس هما : data و attention
4-The Marketplace Model
هى المواقع اللى مش بتنتج منتج معين و لكن بتعمل كمنصة لعرض المنتجات و بيعها للمستخدم مقابل نسبة من كل عملية بيع بتتم
أمثلة (Jumia, Souq, eBay, Alibaba, iTunes)
5-The Access-over-Ownership Model
تقديم الخدمات المدفوعة كخدمة مجانية بشكل مؤقت .. مثال : (Zipcar, Peerbuy, AirBnB)
6-The Hypermarket Model
هو Business model بتستخدمه الشركات الكبيرة فى مجال الديجيتال و اللى بتعرض كميات كبيرة من المنتجات و الخدمات و بتضمن ربح عالى .
مثال : (Amazon, Apple)
7- The Experience Model
ده model بيستهدف المستخدم اللى بيفضل و بيرتاح أكتر مع المنتج اللى بيهتم بجزئية ال User Experience و مستعد يدفع فيه أكتر مقابل راحته كمستخدم.
و ده ال business model اللى بتتبعه شركة Apple
8-The Pyramid Model
هي المواقع و المنتجات اللى بتقوم على ال resellers و ال affiliate marketers لتسويق البيزنس و بيع المنتجات مقابل نسبة و تدار بأقل مجهود ممكن .. مثال : (Amazon, Microsoft)
9-The On-Demand Model
تقديم منتج بيفيد المستخدم لما يحتاج له حتى لو بسعر أعلى .. لأنك بتوفرله عنصر مهم جدا غير الفلوس و هو “الوقت” مثال : (Uber )
10- The Ecosystem Model
عمل مجموعة من المنتجات و الخدمات المعتمدة على بعضها و المكملة لبعضها البعض و اللى بتفرض على المستخدم بشكل كبير أنه ما يلجأش لغيرها .. مثال : منتجات Google
لو حصل التغيير فى مجال شغلك و السوق بتاعك إزاى تتعامل معاه
1- The Block Strategy
إنك تحاول تحافظ على الموجود و تمنع التغيير على قد ما تقدر
2- The Milk Strategy
محاولة الحصول على أقصى استفادة ممكنة من البيزنس المتوقع حصول ارتباك فى الماركت بتاعه.
3- The Invest in Disruption Model
محاولة الاستثمار و الدخول فى شراكات مع الشركات اللى بتقوم بالتغيير.
4- Disrupt the Current Business Strategy
تطوير منتج أو خدمة منافسة للشركة اللى بتقوم بالتغيير مع وجود إضافات و features أكتر لخلق مجال جديد ليك فى السوق .
5- Retreat into a Strategic Niche Strategy
تحويل المسار إلى سوق جديد مُربح تقل فيه فرص التغييرات الجذرية اللى بتسبب ارتباك فى البيزنس .
6- Redefine the Core Strategy
التعديل فى المنتج أو البيزنس ككل بحيث يتناسب مع مواكبة التغيرات الجديدة فى السوق.
7- The Exit Strategy
و ده أخر حل ممكن تلجأ ليه و هو إنك تنهى البيزنس تماما و ترجع أموال المستثمرين أو تبيعه لشركة تانية أكبر ممكن تستفيد منه .